Kirste Paltto lea vuosttas sámi nissongirječálli. Su vuosttas girji Soakŋu (noveallačoakkáldat) almmustuvai 1971. Son lea čállán 19 girjji. Diktačoakkáldagaid, mánáidgirjjiid, románaid ja noveallačoakkáldagaid lassin son lea čállán teahterčájálmasaid ja radiogulddalmasaid sihke sáme- ja suomagillii. Máŋggat su divttat ja noveallat leat jorgaluvvon eará gielaide. Muhtin su románat leat jorgaluvvon suoma- ja tuiskkagillii. Su mánáidgirji Vilges geađgi (1980) almmustuvvá eaŋgalsgillii 2009.
Paltto lea ožžon máŋga bálkášumi sihke su girjjiid ja eará kulturbarggu ovddas. Son lei mielde vuođđudeamen Sámi girječálliid searvvi 1979 ja doaimmai searvvi vuosttas sátnejođiheaddjin gitta 1986 rádjái. Son vuođđudii Gielas-goasttidansearvvi 1989 ja doaimmai máŋga jagi dan jođiheaddjin. Son lea maiddái doaibman Rávgoš-teahtera jođiheaddjin.
Čállima lassin Paltto lea čeahpes dáiddár ja duojár.
Paltto lea riegádan Vuovdaguoikkas, Badje-Deanus Suoma bealde. Dál son orru Ohcejogas.
3 Comments
Hei Kirste! Hui fiinna ruoktosiiddut dus! Olu lihku, dushan lei ikte riegadanbeaivi. Mo avvudit dan?
D. Minna
Hi,
I am a Norwegian studend currently working on my master’s thesis in literature, more precicely on postcolonial short storys from the North. I haven chosen three of your great short stories from your collection “Stolen”. I wonder if I could “borrow” one of your illustrations (art) from this website in order to give my thesis a more aesthetic look.
I am looking forward to your answer.
Regards,
Hanne Bjurgren Eye
Bures! Kirste Paltto.
Mun sávvan oažžut girji “Guržo luottat”. Mii lea dal dárbašlaš? - Galle ruđa mun sádden masa? Olu giitu!
G. Siemonsen
Breitwiesenstr. 38a
D-86179 AUGSBURG